|
Xildhibaan Sheekh Jaamac Xaaji Xuseen oo ka hadlay qaabka awood qeybsiga ee DFKMG January 6/2008 (JiinwabiNews) Baydhabo Xildhibaan Sheekh Jaamac Xaaji Xussen oo ka mid ah xubnaha beelaha Jareerweyne uugu jira xildhibaanada Baarlamaanka DFKMG Soomaaliyeed ee haatan fariisimkeedu yahay gobolka Bay magaalada Baydhabo ayaa maanta ka hadlay qaabka Awood qeybsiga ee looyaqaan (4.5 power sharing ) asiga oo ku sugan magaaladda Baydhabo. Xildhibaan Sheekh Jaamac ayaa ku warbixiyay in ay jiraan gudi u ololeeya hergelinta adoow qeybsiga in uu yahay midka lagu dhaqmayo, kadib markii ay shalay ansixiyeen xubnaha Baarlamaanka cod aqlibiyeed 175 xildhibaan, gudigaasi ayuu ku sheegay in uu u yahay gudoomiye xildhibaan Sheeq jaamac. Gudigan ayaa waxaa soo xulay xubnaha Baarlamaanka, tirada xubnaha gudiga udoodista awood qeybsiga oo ah 18 xubnood ayaa u taagan in ay koontarooli doonaan xukuumada iyo wasaaradaha, xildhibaan sheikh Jaamac ayaa gudigan u qaabilsan in uu u shir gudoonsho gudiga dabo galka awood qeybsiga power sharing-ka marka ay jirto cabasho ku aadan in aan la xusin adoow qeybsiga. Xildhibaan Sheeqa Jaamac Xaaji Xuseen ayaa aad u dhaliilsan magacaabista golaha wasiirada cusub waxuuna sheegay in ay haboon tahay in laga war sugo Ra'iisal wasaare Nuur Cadde inta uu ka magacaabayo saxedda wasiir ee harsan, hadii lagu soo dari doon wasiir beelaha jareerweyne ka soo jeeda iyo in kale. Si kastaba ha ahaatee, waa arrin la filayay in xukuumadda cusub ee lasoo dhisay ay ka dhalan doonto isqab qabsi iyo qilaaf, iyadoona xukuumaddii hore ay ku fashilantay arrimo sidan ah. Abdirashid
Abdullahi haydar
|