|
Mudane Jabriil Cabdi Sheegow oo ah Xubin ka tirsan Gudoonka Beelaha jareer Weyne ee Gobolada Jubbooyinka ayaa wareysi gaar ah siiyay shabakada (jiinwabi) www.jiinwabi.com news 5/5/2008 Mogadishu.
Mudane Jabriil Cabdi Sheegow ayey u suuro gashay in uu booqasho ku yimaada xarunta warqabadka ee shabakada warbaahinta www.jiinwabi.com ee xaruuntiisa magaalada Muqdisho, wuxuuna halkaasi ku siiyay wareysi gaar ah oo dhinacyo badan taabanaya gaar ahaan beelaha Jubbooyinka iyo kawa ka soo jeeda beelaha jareerweyne ee ku sugan gobolada jubooyinka, wereysigaana waxa uu u dhacay sidaan. JIINWABI:- Maxaad u qaabilsantahay beelaha jareerweyne iyo kuwa dagan Jubbooyinka ? maxaa war ah oo ka heysaa qaab nololeedka dadka degen jubbooyinka gaar ahaan beelaha jareerweyne ee ku sugan gobolada jubbooyinka Soomaaliya? Mudane jabriil:- marka hore waxaa soo dhaweynaya ama raali ka ahay in aan wareysi siiyo shabakada jiinwabi oo aan doodoonaayey mudo, inay i wareysato balse maanta ayey iisuuro gashay, hadii aan su'aalahaada jawaabtooda wax ka iraahdo aniga waxaan ku dhashay Kumsuuma beelaha jareer weyne waxaa u ahay aqoonyahan siyaasi ah oo ku soo dhex jiray mudo badan xaalad kasta oo ay soo martaba, hadana waxaan kamid ahay gudoonka sare ee beelaha jareer weyne ee jubbooyinka Soomaaliya. su'aasha labaad oo ah war ka heynta dadkeyga waa mida aniga halkaan i keenta oo aan rabay in aan gaarsiiyo Caalamka iyo dadkeega dibada ku nool, dadka jubbooyinka waa ay dhibaateysan yihiin waana dad danyar oo garabrarato beeraley ah gaar ahaan beehala jareer weyne isku xirka dadkana aad ayuu u yar yahay, Tusaale ahaan dadka Baadiyaha jooga waxay wax u soo sheegtaa dadka magaalada jooga, dadka magaalada joogana waxay rabaa in ay wax u sheegaan dadka dibada jooga taasina wey suuro galin weydan oo dadkeena Baadiyaha jooga war kooda waxa uu ku baaba'aan Magaaladda dadka jooga oo aan wax u qaban karin. JIINWABI:- mudane Jabriil dhibaatooyinkan ku soo kurdhay dalka Soomaaliya taasi oo taabatay cid walba ee ku sugan caasimada, hadaba ogaanshahaada maxaa soo gaaray dadka Jubbooyinka gaar ahaan Beelaha Jareerweyne?
JIINWABI:- mudane Jabriil waxaa la sheegayaa in uu dhawaanahan dagaal beeleed uu dhex maray Beelaha Jareerweyne iyo Biimaal maxaad inooga Sheegi kartaa Qasaaroonyinka halkaasi ka dhashay sida ay u saameyeen Gobolada Jubbooyinka? Mudane jabriil:- taasi waxa ay ahedy arin mucjiso ah oo dhacday 27march 2008 ayaa dagaal lagu soo qaaday Tuulada Balad Amin oo dhinaca Bari ka saaran Wabiga Juba ee deegaanka Kumsuuma, weerar burcad nimo ahna ku soo qaadeey Beelaha Biimaal oo Xoolo daaqsiimo u joogan nawaaxiga tuulooyinka ku teedsan Kumsuuma, "Tuulada Balad Amin ayaa xiligaasi aheyd mid aysna dadka badan kooda aysan joogin oo ay ku maqnaayeen Beerahoodan iyo Howlmaalmeedkooda, burcad beeleedka Biimaal ayaa geestay qasaaro dhimasho hal Qof ah iyo biliqo maaliyadeed oo ay ku rarteen keedkii tuulada Balad Amin sida Badarka, Sisinta Lacag iyo Dahab oo ay ka furteen Haweenka Qaar IWM". Arrinta dhiilada leh ayey u cuntami weysay dhalinyarada Tuulooyinka ku xeeran Balad Amin iyo kuwa tuulada Balad Amin oo isbiirsaday ayaa qaaday weeray aargoosi ah oo ay xaqooda ku soo ceshanayaan ayaga oo aad u foojigan oo Alahooda kaashanaya ayey weerareen fariisimihii ay daganaayeen Biimaalka dulmiyay oo ku aadana Tuulooyinka Burgaan iyo Buulo Muuse ee deegaanka Kumsuuma ayey Afarta gees ka xireen oo ay is hor taageen burcadii Biimaal si ay ugu soo ceshdaan maalkooda ayna ugu soo aaraan walaalkoodii labo maalin ka hore ay dileen.
JIINWABI:- miyeey soo ceshadeen hantidoodii ay la haayeen kadib weerarkii jawaab celinta ahaa oo ay qaadeen dhalinyarada beelaha jareerweyne ? Mudane jabriil:- maya ma aysan soo helin hantidii ay lahaayeen waxaana la sheegay in ay Burcadii reer Biimaal ay suuqa geesteen oo ay iibiyeen, balse ay u heystaa xoolaha nool in loogu soo badalo hantidoodii. JIINWABI:- Wax waan waan ah ma jirtaa oo halkaasi ka bilaabee Ogdayaasha wax garadka ah iyo deegaan dadka ku dhaqan oo aan aheyn dhinacyada is haya oo soo kala dhex galay ? Mudane jabriil:- Haa taasi waa ay jirtaa oo waxaa durbadii ba oo kacay oo is celin waayay beelaha kale ee Jaleecda ah sida Odayaasha beesha Sade , Kablalax iyo HabarGidirtii halkaasi daganeed mudo kadib markii ay arkeey midnimada Beelaha Jareerweyne iyo sida ay uga go’an tahay in ay la dagaalamaan ciddii ku soo xad gudubto in ay iska dhiciyaan ayaa keentay in ay dhex galaan odayaashaasi, ayaga oo raba in ay ka celiyaan xoolaha nool ee gorgortanka ku jiray oo ay soo qabsadeen dhalinyarada jareerweyne, taasina waa ay u socon weydan oo waxaa ka diiday dagaal yahanadii jareerweyne. Arinta dagaalada halkaasi ka dhacay waxa ay marayaa is gaad gaad iyo kala shaki beelaha jareerweyne iyo kuwa kale ee Xoolo dhaqatada ah ee ku sugan Jubbooyinka gaar ahaan Tuulooyinka ku xeeran Kumsuuma ee gobolka Jubbada Hoose Soomaaliya. Abdirashid Abdullahi Haydar xeydar1@hotmail.com www.jiinwabi.com Mogadishu-Somalia.
|
