Jaaliyada Beelaha Jareerweyne ee ku nool magaaladda Nairobi ayaa ka warbixiyay nolosha ay ku heystaan dalka Kenya (warbixin dhinac walba ka hadleysa)

April 14/2008 (JiinwabiNews) mogadishu

Shacabka Soomaaliyeed ayaa ah kuwa ugu tirada badan ee u haajiray ama qoxootinimo u aaday dalka Kenya ka dib markii ay sii labo laabantay foowdadii iyo dagaaladii sokeeye ee u dhaxeeyay Soomaalida, beryahan dambana ay ku soo kordheen dagaalo caalami ah sida ciidmo Ajnabi ah ee taageersan Dowlada federalaka Soomaaliya iyo kuwo diidan in ay yimaadaan ciidamadaasi sheegtay nabad ilaalinta Soomaaliya AMISOM iyo Ethiopian, taasi ayaa keentay in ay sii bataan dadka u sii cararaya dalka Kenya.

Qaarka mid ah dadyoowga Soomaaliyeed ayaa soo buux dhaafshay xerooyinka qaxootiga iyo magaalada caasimada u ah Kenya ee Nairobi gaar ahaan xaafada loo yaqaan in ay Soomaalida ku badan tahay Aslii ee geesta kaga taal magaalada Nairobi Kenya.

Wariyaheena www.jiinwabi.com ayaa booqasho shaqo ku tagay dalka Kenya todobaadkii hore waxa uu wareysiyo kalo gadisay ka soo qaaday qaar ka mid ah Jaaliyada Beelaha Jareerweyne ee ku nool dalkaasi Kenya kuwaas oo iskugu jira aqoonyahano, dhalinyaro iyo Odayaal ka turgumaya danaha Beelaha Jareerweyne iyo sida ay u maareeyaan nolosha ay ku heystaan dalka Kenya.

Engineer Maxamed Saney Maxamed oo ka tirsan Jaaliyada Beelaha jareerweyne ee ku nool dalka Kenya ayaa waxa uu ka hadlay xiligii uu soo gaaray dalkan iyo sida ay ula tahay in loo hormarin karo dadka ka soo jeeda Beelaha Jareerweyne waxa uu yiri
“aniga dalka Kenya waxaan soo gaaray 2006 waxaa na ku arkay Ilbaxnimo kala gadisan oo aad uga duwan tii ayni ku joognay dalkeena hooyo ee Soomaaliya, foowdada iyo waxbarasho la’aanta ay ku jiraan dadkeena iyo ubadkeena mudadii 17 sano aheyd ayaa dib u dhac weyn inoo ah balse hada arrinkaasi waxaa moodaa in aan ka talaabnay oo aan ka hor marnay oo aynu heysono waxbarasho lacag la’aan ah kuweena jooga xerooyinka qaxootiga iyo magaaladaba, waxaan xusuusanayaa oo aan iloobi doonin dhibaatooyinka isdabayaal ee wadanka Soomaaliya ka jira heystana dadkeena ku dhaqan Jiinka-wabiyada.”sidaas waxaa yiri Maxamed Saney Maxamed.

Sidoo kale dhinaca aqoonyahanada iyo dhalinyarada Beelaha Jareerweyne ee ku sugan dalka Kenya ayaa u muuqata in ay ka hor marsan yihiin sidii ay ahaan jireen markii ay ku sugnaayeen dalkooda hooyo ee Soomaaliya kadib markii ay niyadoda ku hayaan sidii ay wax u tari lahaayeen kuwa ku cadiban gudaha dalka Sooamaaliya gaara ahaan dhalin yarada iyo aqoonyahana Beelaha Jareerweyne.

Aqoonyahan Suleymaan Daahir Bocorey oo ay Aqoonyahana iyo dhalinyarada Soomaaliyeed ee ku nool dalka Keyna u aqoonsadeen in uu yahay hurmuudka u ololeenta dahana iyo xuquuqda ay leeyihiin jaaliyada beelaha jareerweyne ee dalka keyna ayuu u hadlay webkan www.jiiniwabi.com waxa ku bilaabay sidan “aniga halkaan waxaan joogaa mudo ilaa 7-8 sano u dhaxeyso Aqoonteyda iyo waxbarashadeyna halkan ayaa ku dhamees tirtay, hadana waxaa xoghaye ka ahay hey’ad Nabadeed oo caalami ah oo magaceeda loo yaqaano Universal Peace Federation UPF for Somali xafiiskeeda dalka Kenya , horayna waxaa uga soo shaqeeyay meelo kala gedisan gaar ahaan UN-ka. Waxaana niyada ku hayaa in aan ugu faa’iideeyo dadkeyga goorwalba iyo meel walba Inshaa Alaah”sidaa na waxaa yiri Dr Suleyman Daahi Bocorey.

Dhalinyarada iyo Aqoonyahadan jaaliyada beelaha Jareerweyne oo aan halka lagu soo koobi Karin wax qabadkooda ayaa badan kooda ku howlan Ganacsiga oo ay Soomaalida ku dhaqan Aslii caanka ku tahay kuwaas oo si gaar ah u leh dukaamo iyo goobo ganacsi oo ah wax lagu farxo marka aad is dul taagto meheradooda sida ay u kala wadaan howlo maalmeedkooda dhinca ganacsiga ah.

Dhalinyadaran ayaa waxay leeyahiin wada tashi iyo war iska heyn jooto ah sida ay iigu warameen qaar ka mid ah sida ay inoo cadeyeen Dr Cumar Ibraahim Maxamed, ganacsade Cusmaan C/llahi Xuseen iyo Abuukar Xasan oo caan ka ah suuqweynaha Aslii ee jaaliyad Soomaaliyeed ku naqan dalka Kenya.

Abdirashid Abdullahi haydar
xeydar1@hotmail.com
www.jiinwabi.com
Mogadisho, Somalia