|
Prof. Maxamed Cumar Dhalxa oo ah Guddoomiye ku-xigeenka 1-waad ee Baarlamaanka Soomaaliya oo ka hadlay xasuuqii ka dhacay Muqdisho April 24/2008 JNN(JiimoNet News) Baydhabo Prof. Maxamed Cumar Dalxa oo ah Guddoomiye ku-xigeenka Koowaad ee Baarlamaanka Soomaaliya ayaa sheegay in uu aad uga xun yahay dhibaatooyinka heysta Shacabka Soomaaliyeed, gaar ahaan kuwa ku dhaqan magaalada Muqdisho. Prof. Dalxa waxa uu sheegay in iyagu ka Baarlamaan ahaan ay ka xun yihiin dhibaatada soo gaartay shacabka Soomaaliyeed, wuxuuna xusay in Baarlamaanka Soomaaliya ay ka xun yihiin in muwaadin Soomaaliyeed uu u geeriyoodo si sharci darro ah. Waxa uu Dalxa oo ka hadlayay dhibaatadii ka dhacday masjidka Al-Hidaaya ee xaafadda Waxarcadde ee degmada Huriwaa ayaa waxa uu sheegay in Baarlamaanka Soomaaliya ka xun yahay dhibaatada ka dhacday Masjidkaas, wuxuuna xusay in sinaba aysan raali uga ahayn in qof Soomaaliyeed Sheekh ama qof kaleba ha ahaadee dil sharcidarro ah loo geysto. Hadalka Prof. Dalxa ayaa ku soo beegmaya xilli Afhayeenka kooxda Al Shabaab Sheekh Muqtaar Rooboow (Abuu Mansuur) uu ku eedeeyay Xubnaha Baarlamaanka Soomaaliya ay raali ka yihiin dhibaatada loo geystay shacabka Soomaaliyeed ayna ku raaxaysanayaan magaalada Baydhabo Ibrahim Maxamed
Cabdi (Ibrahim Akuja)
|