|
Beesha Jarer Weyne ee Koonfur Afrika oo maanta caleemasaartay Suldaan
Xafladdan oo si weyn loo soo agaasimey ayaa waxaa ka soo qeyb galay odayaal, wax garad, dhalinyaro, haween iyo bulshada qeybaheeda kale. Waxaana xafladdan khudbad wax ku ool ah kasoo jeediyey aqoon yahan Mohamed Cumar oo kamid ah aqoonyahanada beesha jareer weeyne ee ku dhaqan Koonfur Afrika waxaana uu sheegay in loo baahanyahay hogaan noocaan oo kale in ay yeelato beesha jareer weeyne waxaana haboon in waxgaradka beesha jareer weyne ay garab istaagaan suldaanka ayuu yiri aqoonyahanka. Waxaana lagu caana shubay Suldaan Ibraahim Maxamed Cali oo wakhtigaasi xirnaa dhar hidiha iyo dhaqanka Soomaaliyeed gacanta midigana kusitay waran iyo gaashaan waana markii ugu horeeysay oo beelaha Soomaaliyeed ee daga wadankan ay ku caana shubaan suldaan inta la wada ogsoon yahay. Waxaa sidoo kale mahad ballaaran usoo jeediyay afhayeenka beesha Iftin Mohamed Abdulle dadkii kulankaasi maanta ka soo qeyngalay oo iskugu jiray dad Soomaali ah South African, Kenyan iyo Ugandese. Waxaana hadaladii sii kamid ahaa: " Aad baan idin kaga mahad celineynaa kasoo qeybgal kiina xafladan oo ah mid taariikhi ah waana Alle mahadii maanta hadii beesha yeelatay suldaan waxaana si gaar ah aan ugu mahad celinayaa warbaahinta Somaliweyn oo sintay soomalida oo dhan waan idiin mahad celinayaa bahda Soomaliweyn."
Caana shubka Suldaanka beesha jareer weyne ayaa waxaa aad u soo dhaweyey qabaa’ilada kala duwan ee ay soomalidu ka kooban tahay ee ku nool wadan kani Koonfur Afrika.
Abdirashid Abdullahi Haydar xeydar1@hotmail.com www.jiinwabi.com Mogadishu-Somalia.
|
