Jamciyadda samafalka Al-wafaa ayaa dayactir balaaran ku sameysan Buundada Ceel-Qode degmada Afgooye ee gobolka Sh\hoose

www.jiinwabi.com news 24/5/2008 Afgooye

Jamciyadda samafalka Al-wafaa ayaa ku guuleysatay in ay dib u dayactirto Buundadan halboowlaha u ah bertamaha degmada Afgooye ee loo yaqaanay Buundo yareyda Ceel Qode, taasi oo ay dhib ku heysay shacabka isaga talaabaya Buundadaasi mudo ilaa iyo burburkii dalka soomaaliya oo aan helin wax dayactir ah, Alwaaf ayaa waxa ay bilawday dayactirkeeda maalinta taarikhdu ahayd 11/4/2008 waxayna soo gabagabeysay dayactirka guud ee Buundada Ceel-Qode 19/5//2008, ayadoo ay hakat ku jirtay mudo gaaban uu dayactirka ku socday.

dhismaha dayactirka Buundada waxaa gacan weyn ka geestay hay’ado caalami ah sida hay’ada nooleenta dhaqanka islaamka (Revival of Islamic heritage society ) iyo gudiga qaaradda Afirka ee jamciyadda Axyaa turaath islaami (African continent committee) Kuwaiti, dhaqaalaha dhismaha dayactirka buundada ayaa loo soo mariyay Jimciyada al wafaa si ay ugu dayactirto buundada shacabka deegaanka degmada Afgooye.

Jamciyadda samafalka Al-wafaa marka ay soo gabogabeysa dayactirka buundada ayey u sameysay xaflad balaaran oo dib loogu furayay Buundada Ceel Qode waxaana ka soo qeyb galen mas’uuliyiin faro badan uu hor kacayaa Gudoomiyaha dagmada afgooye Maxamed Cumar Muuday, Nabadoonka Afgooye , Aqoonyahan Cali Xaashi garaare iyo shacabka reer Afgooye, dhamaan waxay ka mahad celliyeen dayartirka buundadan oo ku soo aaday xili aad loo gu baahi qabay iyo waliba xili roobeed oo ay dadka degmada afgooye dhib wayn ku qabeen buundad oo aad u baaba'sanayd maantana ay ku faraxsan yihiin quruxda iyo bilicda ka muuqato dayactirka buundada ayna isticmaalayaan dadweynihii, baabuurlaydii iyo gaarigacanlayda intaba waxay ka mahadceliyeen dayactirka buundada lagu sameeyay.

Waxaana ka hadlay xaflada furitaanka buudada Gudoomiyaha dagmada afgooye Maxamed Cumar Muuday, waxuuna u mahadceliyay jamciyadda samafalka al-wafaa iyo lajnada qaaradda africa jamciyadda axyaa al-turaath al-islaami oo iyaga xaqiijiyeen fulinta mashruucan iyo u adeegista umadda Soomaaliyeed xaalad kasta oo ay ku jirto “Jimciyada Al-wafaa waxaan leeyahay waad fuliseen Codsiyadii iyo wax qabadkii ee hore u wada haka daalina Degmada Afgooye waa dalkiina hooyo, inta gacanta idinku siisayna iga gaarsiiya mahadcelin balaaran” sidaana waxaa yiri Maxamed Cumar Muuday Gudoomiyaha dagmada afgooye ee gobolka Shabeelaha Hoose.

xoghayaha guud ee jimciyada samafalka ee alwafaa Siid Cali Macalin Xuseen ayaa ka hadlay u heelanaanta jimciyadiisa uu mas’uulka yahay in ay bulshada Soomaaliyeed wax u qabato xili walba, waxuuna u mahadceliyay Mas’uuliyiinta iyo Shacabka reer afgooye oo gacan ku siiyay in ay jimciyada Alwafaa halkaani ka dayactirto Buundadan.

sidoo kale waxaa mahadceliyay xubnaha maamulka degmada Afgooye qaybahisa kala gedisan - aqoonyahanada - haweenka - dhalinyarada - iyo duqowda degmada Afgooye; waxayna ku bilaaben socod iyo isku marxabey gudaha Buundada ayaga oo ay wajiyadooda ka muuqato faxad iyo soo dhaweyn furitaanka iyo dayactirka loogu sameeyay buundada Ceel-Qode degmada Afgooye ee Gobolka Sh/Hoose.

Abdirashid Abdullahi Haydar

xeydar1@hotmail.com

www.jiinwabi.com