|
Masaajid cusub oo ay dhistay Jimciyada samafalka Al wafaa ayaa maanta laga furay Degmada Afgooye ee G/Sh/Hoose. www.jiinwabi.com news 11/1/2008 Afgooye
Masaajid cusub oo ay ku tukan karaan tiro dad jameeco ah gaaraya 140 qofood oo ay hergalisay dhismahiisa Jimciyada Samafalka ee Al wafaa ayaa maanta jimco ah taariiqduna ku beegan tahay 11/1/2008 xariga looga jaray xaafada Waanjeel-Buulo Cusub ee dhanka waqooyi degmada Afgooye. Masaajidkan ayaa ku fadhiya dhul cabirkiisu la egyahay 13x13 ayuu sadaqeystay dhulkaasi oo banaan milkiile Sheekh Cumar Maxamed Ibraahim oo u dhashay deegaanka Afgooye, waxaana dhimahiisa gacan ka geestay hay’ado caalami ah sida hay’ada nooleenta dhaqanka islaamka (Revival of Islamic heritage society ) iyo gudiga qaarada Afirka (African continent committee) Kuwaiti, dhaqaalaha dhismaha Masaajidka waxaa sadaqo jaariya ah ugu soo tabarucay qooska Abuusalxaan oo reer Kuwaiti ah una soo marsiiyay Jimciyada al wafaa in ay ku dhisaan masaajid deegaanka Afgooye.
Masaajidkani dhismahiisa waxaa wehliya Ceel biyo macaan oo nacfi u leh deegaanka, Ceelkani ayuu qalabkiisu u dhan yahay ayaa qodan 15 mitir dhere hoose ah biyahiisan waxaa loo waqafay in ay aaroortaa dadka dariska u ah masaajidkan cusub.
Aadankii ugu horeeyay ee masaajidkan ayaa lagu sharfay in uu ka Aadamo salaada jimcaha Sheekh Maxamed C/raxman Cusman (Maadey Aboti) waxaana qudbada salaada jimcaha ka aqriyay oo ay ku sharfeen culima’udiinka Afgooye oo ka soo qeyb galay furitaanka masaajidka in uu aqriyo sheekh CabdiWahaab Aadan Diiriye oo ka mid ah mas’uuliyiinta Jimciyada Samafalka Alwafaa.
Salaadii jimcaha kadib ayey ka hadleen mas’uuliyiintii ka soo qeyb gashay furitaan masaajidka cusub oo ay ka mid ahayen mas’uuliyiinta maamulka degmada Afgooye, ugu horeentiina waxaa ka hadlay oo ku soo dhaweeyay dhamaan dadkii ku tukaday waajibkii salaada jimcaha xoghayaha guud ee jimciyada samafalka ee alwafaa Siid Cali Macalin Xuseen waxuu na ka taariiqeeyay qeymaha sadaqadaha jaariga ah iyo qeymaha masaajidada u leeyihiin qofka in uu ku cibaadeysto, waxuu na u mahadceliyay dadka reer afgooye oo gacan ku siiyay in ay jimciyada Alwafaa uu mas’uulka ka yahay in ay halkaani ka dhisto masaajid.
Dhinaca deegaanka ee culima’udiinka waxaa u hadlay Macalin Cabdi Abroone Axmed “masaajidkani waxa uu xilka saran yahay dhaman muminiinta dariska la ah xifaadadiisa, nadaafadiisa iyo waxii loobaahdo in ay labada gacan ku qabtaan dadka jiiraanka iyo maamulka loo sameeyay”.
Dadka dariska iyo deegaanka, mas’uuliyiinta maamulka degmada Afgooye ayaa ka hadlay furitaanka masaajidka sida mudane Jeylaani Axmed Cali (Jeylani Saalbo),Cali Xaanshi Xeyle iyo Siidow Axmed Yaxye oo wajiyadooda laga dheehanayay farxad ay ku soo dhaweynayeen masaajidkan cusub oo looga dhisay xaafadooda, waxayna u mahadceliyeen dowlada dalka Kuwait iyo boqortooyadooda iyo in tii kusoo tabarucday maaliyada dhismahan masaajidkan looga dhisay xaafadooda Waanjeel- Buulo Cusub ee degmada Afgooye Gobolka Sh/ Hoose. Abdirashid Abdullahi haydar xeydar1@hotmail.com www.jiinwabi.com Mogadishu-Somalia.
|
