|
Dagaalo u dhaxeeyay Beelaha Jareer-weyne iyo Bimaal oo shallay dib uga qarxay Tuulada Beled-Aamiin/Gosha ee deegaanka Jamaame.
Dagaaladii u dhaxeyey Beelaha Jareer-weyne iyo Bimaal ayaa tullada Beled-Aamiin ee ka tirsan degmada Jamaama, dib uga qarxay, ka gadaal, markii odoyaasha labada dhenac ay ku guul-daraysteen waa-waan laga dhex waday labadaan maleeshiyo beeleed ee halkaasi bishii tegtay dhibaato kala gaartay. Waraku waxay sheegayaan; in dagaalkan danbe uu ka bilaawday, tuulada Beled-Aamin iyo tuulada Shiriwa oo aad isugu dhow, kana mid ah degaanka gosha, ka kadaalna uu dagaalkii u wareegtay dhanka tuulada Buula Muuse, uu ku taal dhanka Deexda ee isla degmada Jamaama, tuulooyinkaas oo ay kala degaan labadan beelood. Wararku waxay sheegayaan, in labada dhinac ay is ka gubeen tuulooyin, islamrkaana ay iska dhaceen xoolo nool iyo kuwa mood ahba, waxayna labada dhinac iska gubeen tuulooyin gaaraya ilaa saddax tuulo. Tuulooyinka la gubay waxaa ka mid ah, tuulada Beled-Aamiin iyo Sabatuuni oo dhanka Gosha ah, iyo tuulada Buula Muuse dhanka deexda ku taal. Labada ciidan ayaa la sheegayaa, inuu dagaalkooda weli socdo, wax waa-waan ahna aysan weli ka dhax bilaawan. Labadan Beelood ee Jareer-weyne iyo Biimaal, oo ahaa, beelo ahaa (REER-EEBBE-YAALE), oo micnaheedu tahay, dad aan dhibaatu geysan, oo xitaa hadii aad waxooda la qabsatid dhihi jiray (ILAAH BAAN KUUGU DAAYEY), islamarkaana ahaa beelo walaatinimo, deris-wanaag, ay is xaq-dhowr ku jirto ay wligood kuwada noolaayeen, ayaan la garanayo waxa haatan keenay inay dhiig iska daadiyaan Ibrahim Maxamed
Cabdi(Ibrahim Akuja)
|