Tan iyo markii uu dhacay burburkii dagaaladda sokeeye ee loogu saarary Dalka taliska hore ee milatriga aha. Qowmiyadda Jareer Weyne waxay qeyb ka aheyd qeybahii ka saaray Dalka Rajiimkii Siyaad Barre, taasoo laga sugaayay in ay Dowlad wanagsan ka soo baxdo mase dhacin Dowladii waxay gacanta u gashay maleeshiyooyin wax ma garad ah oo ku abtirsada Beelaha kala duwan ee Soomaaliyeed.

Taasoo kaliftay in ay Qowmiyadda la kulmaan gumaad isugu jira Dil, kufsi, Af-duub, Dhac, iyo Barakicin iwm. dhibkii maleeshiyayaasha aan cid ka amar qaadan waxaa yareeyay markii ay sameeysmeen Maxkamado Beeleedyada taasoo dariiq u furtay in looga dacwooda beelahooda yareysayna dhibaatooyinkii badnaa ee ku dhici jiray Qowmiyadda waana ugu mahad celineynaa kuwii aas aasay Maxkamad Beeleedyadii .

Hadii aanay abuurmeen Maxkamadahaasi Dalka wuxuu geli lahaa halaag intaas ka badan Maxkamadahii waxaa ka dul dhashay Dowladda TNG da sidaa daraadeed waxayna ku wareegeen Dowladdii TNG da., Dowladdana waxaa ka hor yimid hogaamiye kooxeedyo aad u xoog badan gacan buuxdana ka heeysta Dowladdo shisheeye taasi oo sababtay in ay Dowladdii TNGda waxba qaban weyso, ka dib waxaa dhacay in shir dib u heshiin ah lagu qabto Dalka Kenya ayana hogaaminaayeen Dowladaha IGAD, iyadoo fududeeyneysay Dowlada Kenya, mana dhacin in xuquuqdii ay ku laheyd Qowmiyadda Jareer Weyne ay ka hesho shirkaas , waxaana lagu qanciyay ka qeeyb galayaashii shirkaas in ay tahay XAL ee aysan aheyn mid XAQ ah. Sidaasna ay u qaataan wixii xal Somaali weyn lagu gaaraayo.

Hadaba tan iyo markii la soo dhisay Dowladii TFG da hadii ay gaari weysay xalkii loo soo dhisay oo ay ku dulmanaayeen Qowmiyadda Jareer Weyne ayaaana kalifay in la aburo Golaha Midnimadda Qowmiyadda Jareer Weyne (G M Q J W) markii la arkay laguna sameeyay daraasaad muddo dheer wixii la soo maray 16kii Sano ee Dagaalka sokeeye iyo burburka, Ururadii kala duwanaa ee SAMO wax qabadkii siyaasiina SAMO iyo heerka ay soo gaarsiiyeen ururada , waana ugu mahad celineeynaa ururuadda SAMO, waxaase hor yaala howl aad u baaxad weyn oo laga doonaayo inuu wax ka qabto Golaha Midnimadda Qowmiyadda Jareer Weyne, kuwaaso ugu horeeyso Midnimadda Bulsha Weynta Soomaaliyeed gaar ahaan Qowmiyadda Jareer Weyne meel walba ay ku nool yahiin.

Ku laabo pageka
www.jiibwabi.com